Hormatly Türkmenistanyň raýatlary!

Türkmenistanyň Prezidentiniň 01.07.2021ý. senede gol çeken №2300 belgili kararyna laýyklykda, Türkmenistandan gitmek we Türkmenistana gelmek üçin pasportlarynyň (zagran pasport) hereket ediş möhleti 2020-nji ýylyň 1-nji ýanwary  - 2022-nji ýylyň 30-njy dekabry aralygyndaky döwürde tamamlanan ýa-da tamamlanýan daşary ýurt döwletlerinde wagtlaýyn bolýan ýa-da hemişelik ýaşaýan Türkmenistanyň raýatlarynyň pasportlarynyň hereket ediş möhleti 2022-nji ýylyň 31-nji dekabryna çenli uzaldyldy.

Agzalan karary ýerine ýetirmek maksady bilen, Türkmenistanyň Rumyniýadaky Ilçihanasy Türkmenistanyň raýatlarynyň erkin görnüşde ýazylan Arzasy esasynda, hereket ediş möhleti tamamlanan pasportlarda pasportlaryň möhletiniň uzaldylandygy baradaky bellilkeri (ýazgylary) etmek işine başlady. 
 

Bellikleri (ýazgylary) etmek üçin Arzanyň ýanyna aşakdaky resminamalar goşulmaly:

Pasportyň (zagran) asyl nusgasy;
Raýatlyk pasportynyň (içerki pasport) şahsy maglumatlar ýerleşdirilen sahypalarynyň nusgasy;
Fotosurat (3x4 ýa-da 4x5 sm ölçegde) kagyz görnüşde we elektron göterijide (fleşka).

Arza we zerur resminamalar Ilçihana pasportyň eýesi tarapyndan getirilýär we alnyp gidilýär. 

Bellikleri (ýazgylary) etmek işi -- resminamalar doly we dogry kabul edileninden soňra 1 (bir) iş günüň dowamynda taýýar bolýar.

Daşary ýurt pasportynyň möhletiniň uzaldylmagy baradaky bellikleri (ýazgylary) etmek işi mugt ýerine ýetirilýär.