"TÜRKMENISTANYŇ ULAG WE LOGISTIKA MERKEZI" WEKILLERINDEN YBARAT RUMYNIÝA TÜRKMEN WEKILIÝETINIŇ SAPARY BARADA.
Şu ýylyň 5-8-nji mart aralygynda "Türkmenistanyň ulag we logistika merkezi" Açyk görnüşli paýdarlar jemgyýetiniň wekillerinden ybarat türkmen wekiliýetiniň Rumyniýa sapary boldy.
Saparyň dowamynda Rumyniýanyň Transport we infrastruktura ministrligi türkmen wekiliýetini kabul edildi. Duşuşyk türkmen tarapynyň başlangyjy bilen gurnaldy we ýeke-täk ýükleri konteýnerde daşamagy dolandyrmak wezipesini ýerine ýetirýän edara hökmünde iki ýurduň arasyndaky hyzmatdaşlygyň meselelerini ara alyp maslahatlaşmak üçin
Özara peýdaly ikitaraplaýyn hyzmatdaşlygy ýola goýmak we Türkmenistanda demirýol arkaly konteýner daşamagyň resmi milli operatory bolmak niýetini mälim eden "Türkmenistanyň ulag we logistika merkezi" Açyk görnüşli paýdarlar jemgyýeti Konstanta we Galatsi porty arkaly konteýner daşamagyň mümkinçilikleri bilen gyzyklandy.
Duşuşykda türkmen tarapy kärdeşlerine halkara Türkmenbaşy porty, Türkmenistanyň ulag we üstaşyr taslamalary, umuman ýurdumyzyň ulag infrastrukturasy, şeýle hem Türkmenistanyň Prezidentiniň ulag pudagyndaky halkara başlangyçlary bilen tanyşdyrdylar.
Rumyn tarapy öz gezeginde hyzmatdaşlygy ösdürmäge gyzyklanma bildirýändigi üçin türkmen tarapyna minnetdarlyk bildirip, hemmetaraplaýyn hyzmatdaşlyga taýýardygyny aýan etdi.
Rumyniýa saparynyň çäginde türkmen wekiliýeti Konstanta portuna we Galatsi portuna baryp görer.