Türkmenistanyň Rumyniýadaky ilçisi A.Anaýew bilen Informatika boýunça Milli gözleg we ösüş institutynyň (ICI Buharest) gözleg institutynyň baş müdiri Adrian Wiktor Wiveranyň arasynda duşuşyk geçirildi.

2025-nji ýylyň 21-nji ýanwarynda Informatika boýunça Milli gözleg we ösüş institutynyň (ICI Buharest) binasynda Türkmenistanyň Rumyniýadaky ilçisi A.Anaýew bilen gözleg institutynyň baş müdiri Adrian Wiktor Wiveranyň arasynda duşuşyk geçirildi.

Duşuşygyň başynda rumyn tarapy gözleg institutynyň binasynda  türkmen tarapyny garşylamaga hoşallygyny bildirip, Milli gözleg we ösüş institutynyň taryhy,  alyp barýan işi we gözleg ugurlary barada gürrüň berdi we iki ýurduň arasyndaky gözlegleriň, tehnologiki ösüş we sanlylaşdyrma ugry boýunça hyzmatdaşlygyň güýçlendirilmegi bilen baglanyşykly meseleleri ara alyp maslahatlaşdylar.

Rumyn tarapy, Informatika boýunça Milli gözleg we ösüş institutynyň 1970-nji ýylda esaslandyrylandygyny we Rumyniýada maglumat we aragatnaşyk tehnologiýalarynda gözleg, ösüş we innowasiýa pudagyndaky iň möhüm instituta wekilçilik edýändigini habar berdi.

Adrian-Wiktor Wewera häzirki gözleg taslamalaryny we Informatika boýunça Milli gözleg we ösüş institutynyň Rumyniýanyň sanly tehnologiýalaryň üýtgemegine goşandy bilen tanyşdyrdy. Şeýle hem, institutyň iki ýurda peýdaly boljak bilelikdäki taslamalary durmuşa geçirmek maksady bilen halkara hyzmatdaşlar bilen hyzmatdaşlyga açykdygyny beýan etdi.

Taraplar sanly üýtgeşmeler, kiberhowpsuzlyk, kiber diplomatiýa, emeli intellekt we blokirleme ýaly umumy gyzyklanma döredýän ugurlary we bu tehnologiýalaryň durnukly ykdysadyýeti goldamakdaky ornuny ara alyp maslahatlaşmalar

Sözüniň ahyrynda Adrian-Wiktor Wewera 2025-nji ýylyň 8-11-nji aprelinde Buharestde geçiriljek Sanly innowasiýa Sammiti barada habar berdi we geljekki hyzmatdaşlygyň mümkinçiliklerini öwrenmegi dowam etdirmek üçin rumyn tarapy türkmen wekiliýetini bu Sammite gatnaşmaga çagyrdy.